तीन अर्थशास्त्रीले पाए नोबेल अर्थशास्त्र पुरस्कार

Last updated at 07:13 pm

सन् २०२५ को नोबेल अर्थशास्त्र पुरस्कार जोएल मोकिर, फिलिप अघियन र पिटर होविटले पाएका छन् । उनीहरुलाई यो पुरस्कार नवप्रवर्तन र आर्थिक वृद्धिबीचको सम्बन्धबारे गरेको गहिरो र व्यापक अनुसन्धानको मान्यता स्वरूप दिइएको हो।

यी तीन विद्वानको नाम घोषणा गर्दै नोबेल पुरस्कार समितिले उनीहरुको आर्थिक मोडेल र विश्लेषण वर्तमान विश्वव्यापी आर्थिक चुनौतीहरु बुझ्न महत्वपूर्ण साबित हुन सक्ने कुरा स्पष्ट पारेको छ ।

नयाँ विचार र प्रविधिहरुले अर्थतन्त्रलाई कसरी चलाउँछन् भनेर व्याख्या गर्ने कामका लागि यी तीन अर्थशास्त्रीलाई यो प्रतिष्ठित पुरस्कार प्रदान गरिएको हो। आर्थिक विज्ञानका क्षेत्रमा उनीहरुको महत्वपूर्ण अनुसन्धानका लागि यो पुरस्कार उनीहरुलाई दिइएको हो।

जोएल मोकिर, फिलिप अघियन र पिटर होविटले नवप्रवर्तनलाई आर्थिक वृद्धिको मुख्य इन्जिनका रुपमा वर्णन गरेका छन्। नवप्रवर्तन भनेको नयाँ विचार, उत्पादन वा प्रक्रियाहरु परिचय गराउनु हो। यो कामले अर्थतन्त्रलाई बलियो बनाउँछ र मानिसहरुको जीवनको गुणस्तर सुधार गर्छ।

यो पुरस्कार यी तीन अर्थशास्त्रीको व्यापक अनुसन्धानको परिणाम हो।